WASHINGTON —
Nhumwa dzemutungamiri weSouth Africa, uye vari mutongi gava pagakava remuZimbabwe, VaJacob Zuma, dzakapinda munyika neChipiri kuzoyedza kugadzirisa gwara resarudzo.
Asi zvakona n’anga murapwa achida sezvo vanomirira Zanu-PF munhaurirano idzi, VaPatrick Chinamasa naVaNicholas Goche, vasina kuenda kumusangano wacho kunyange zvichinzi vainge vasumwa nezvemusangano uyu.
Nhumwa dzaVaZuma dzapinda munyika ndiVaMac Maharaj naVaCharles Nqakula. Asi mutauriri wenhumwa idzi, Muzvare Lindiwe Zulu, vanoti havana kukwanisa kuenda havo kuZimbabwe asi vaviri vange vapinda munyika vange vachida kuita hurukuro nevanomirira mapato matatu ari muhurumende yemubatanidzwa.
Hurukuro idzi dzange dzakanangana nekugadzirisa misariridzwa yechibvumirano chezvematongerwo enyika uye kuyedza kutarawo zuva rekuti sarudzo dzichaitwa riini.
Vanomirira MDC munhaurirano uye vari munyori mukuru webato iri, VaTendai Biti, vatenda kuti vafambira dhongi rakaora sezvo VaChinamasa naVaGoche vasina kuuya.
Mamwe mapepa akaita seMail and Gurdian yekuSouth Africa anoti paita ropa rakaipa pakati peSouth Africa neZanu-PF.
Asi Muzvare Zulu varamba mashoko ari mubepanhau reMail and Gurdian rekuSouth Africa ekuti mutungamiri wenyika, VaRobert Mugabe, vari kuramba kuita hurukuro navo.
Asi zvakona n’anga murapwa achida sezvo vanomirira Zanu-PF munhaurirano idzi, VaPatrick Chinamasa naVaNicholas Goche, vasina kuenda kumusangano wacho kunyange zvichinzi vainge vasumwa nezvemusangano uyu.
Nhumwa dzaVaZuma dzapinda munyika ndiVaMac Maharaj naVaCharles Nqakula. Asi mutauriri wenhumwa idzi, Muzvare Lindiwe Zulu, vanoti havana kukwanisa kuenda havo kuZimbabwe asi vaviri vange vapinda munyika vange vachida kuita hurukuro nevanomirira mapato matatu ari muhurumende yemubatanidzwa.
Hurukuro idzi dzange dzakanangana nekugadzirisa misariridzwa yechibvumirano chezvematongerwo enyika uye kuyedza kutarawo zuva rekuti sarudzo dzichaitwa riini.
Vanomirira MDC munhaurirano uye vari munyori mukuru webato iri, VaTendai Biti, vatenda kuti vafambira dhongi rakaora sezvo VaChinamasa naVaGoche vasina kuuya.
Mamwe mapepa akaita seMail and Gurdian yekuSouth Africa anoti paita ropa rakaipa pakati peSouth Africa neZanu-PF.
Asi Muzvare Zulu varamba mashoko ari mubepanhau reMail and Gurdian rekuSouth Africa ekuti mutungamiri wenyika, VaRobert Mugabe, vari kuramba kuita hurukuro navo.
