Accessibility links

Breaking News

Kukunda kweChikwata Dynamos Kwounza Mufaro kuVatsigiri Vacho


Chikwata cheDynamos chakafadza vatsigiri vacho mushure mekukunda mumutambo wacho wekutanga kwemwaka kekutanga mumakore mana.
Chikwata cheDynamos chakafadza vatsigiri vacho mushure mekukunda mumutambo wacho wekutanga kwemwaka kekutanga mumakore mana.
Nyaya ina Michael Kariati
please wait

No media source currently available

0:00 0:02:32 0:00
Pekupinda Napo Kuti Muone Zvamuri Kuda

Chikwata chine mukurumbira cheDynamos chasimudza makwikwi acho e 2019 Castle Lager Premier Soccer League zvine mutsindo. Michael Kariati anotitaurira kuti Dembare yakaitei mukupera kwesvondo.

Chikwata ichi chakasimudza chaunga chinochitevera mushure mekurova Mushowani Stars 2-0 mumutambo wacho wekutanga we 2019 Castle Lager Premier Soccer League.

Izvi zvakaunza manyukunyuku muvateveri veDembare avo vakapedza mwaka wapera vachingochema apo chikwata chavo chaingorohwa ndokupedza chiri pachinhanho chegumi mumakwikwi ezvikwata gumi nezvisere aya.

Vateveri vechikwata ichi kusanganisira VaBenjamin Munzira vari kufara nematangiro aita chikwata chavo vachiti ivo vane chivimbo chakasimba chekuti Dembare inotora mukombe uyu mwaka uno.

Asi murairidzi weDynamos Lloyd Chigove anoti haasati agutsikana nechikwata chaakavaka ichi achiti iye achiri munzira kuumba maGlamour Boys akasimba.

Chigove anoti vatsigiri vechikwata chake vakazvionera kuti Dynamos pari zvino ine shumba dzinokwanisa kutora mukombe weligi.

Asi chikwata chine mukombe weligi uyu che FC Platinum chakaratidza kuti chine mwongo wekutora mukombe uyu zvekare mushure mekushanya kuHarare ndokurova Harare City 2-0.

Zvikwata zvese zvine mukurumbira zvakatora mapoinzi akakosha mushure mekunge Caps United yakarova Manica Diamonds 2-0, ukuwo Highlanders ndokufamba kusvika kuHarare kuzoita mangange 1-1 neBlack Rhinos.

Mimwe mitambo yekutanga kwemwaka yaiveko yakapera seizvi..

Chicken Inn 3 ZPC Kariba 1

Hwange 2 Yadah 0

Chapungu 5 Bulawayo Chiefs 1

Triangle 2 Ngezi Platinum Stars 1

Herentals 0 TelOne 0

Facebook Forum

XS
SM
MD
LG