Murairidzi weDynamos, Chigove, Anoti Haasati Agutsikana neChikwata Chake

Embed share

Nyaya ina Michael Kariati

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:22 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player

Murairidzi wechikwata chenhabvu cheDynamos, Lloyd Chigove, anoti haasati apedza kuvaka chikwata chake chemwaka uno kunyange hazvo Dembare yakarova maGreen Machine eCaps United 2-0 mumutambo weCharity Challenge Cup wakatambwa muHarare neSvondo.

Dynamos yakarova Caps United 2-0 mumutambo weCharity Challenge Cup uyu ndokutambidzwa mukombe nemari inoita iyo zviuru makumi maviri zvemadhora, asi murairidzi wavo Lloyd Chigove haana kugutsikana.

Chigove anoti chikwata cheDembare chakaonekwa nezuro hachisati chapedza kuvakwa achiwedzera iye kuti veruzhinji vachaona Dynamos yakasimba uye yakasiyana zvikuru neyavakaona mwaka wapera.

Chigove anoti panotanga mitambo yeligi Dembare inenge yagadzirira zvakasimba, kunyanya vatambi vatsva.

Zvibodzwa zvanezuro zvakabva kuna Edward Sadomba naNgandu Mangala zvakaona Dynamos ichi kunda mumutambo uyu, uyo wakaunganidza chaunga chinotyisa munhandare yeNational Sports Stadium.

Sadomba, uyo akatamba kuLibya nekuSudan, anoti ari kufara nematambiro aakaita nezuro achiti iye nhabvu pasi rese haineyi nemakore.

Makundano eCastle Lager Premier Soccer League ari kutanga musi wa 30 Kurume apo Dynamos iri kusangana neMushowani Stars.

Tisati tasvika ipapo, veruzhinji vachange vaona chikwata chenyika chemaWarriors chichisangana neCongo Brazzaville mumutambo we 2019 Africa Cup of Nations muNational Sports Stadium zvekare musi wa 24 Kurume.