Accessibility links

VaMnangagwa Vorapwa kuSouth Africa Mushure Mekuendeswa kuZvipatara Zvakawanda muNyika

  • Blessing Zulu

Zimbabwe Vice President Emmerson Mnangagwa

Mumwe mutevedzeri wemutungamiri wenyika VaEmmerson Mnangagwa avo vanonzi vari kurwara nemudumbu vanonzi vakaendeswa nechimbi chimbi nendege kuchipatara chekuSouth Africa.

Mutungamiri wenyika VaRobert Mugabe vaudza vanhu pamarinda eHeroes Acre nhasi kuti VaMnganagwa vari kurapwa kuJohannesburg uye havasati vadzoka.

Gurukota rinoona nezvehutano, Dr David Parirenyatwa vaudzawo vatori venhau muHarare nhasi kuti VaMnangagwa vave kunzwa zviri nani uye vatombotaura navo parunhare kunyangwe vati vakabva munyika vachirutsa nekuchaya zvakasimba. Vatiwo VaMnangagwa vakaendeswa kuzvipatara zvakawanda muZimbabwe vasati vaendeswa kunze kwenyika.

Mamwe mapepa enhau munyika anoti VaMnangagwa vainge vadya chikafu chine muchetura uye vakatanga kurwara vari kumusangano webato ravo kugwanda nemusi wemugovera.

Asi vachinyora paFacebook page yavo, muzukuru waVaMugabe, VaJason Zhuwao vakaramba mashoko ekuti VaMnangagwa vainge vadya chikafu kubva kuGushungo Holdings icho chinonzi chakapihwa vanhu pamusangano uyu. Ko chii chinokonzera kurutsa nekuchaya.

Munyori mukuru weZimbabwe Medical Association Dr Enock Mayida vanoti pane zvinhu zvakawanda uye panenge pachida kuti paitwe ongororo yakasimba.

Facebook Forum

XS
SM
MD
LG