Makurukota ehurumende pamwe nagavhuna weRBZ vosangana nemasangano anomirira vashandi vehurumende pamusoro penyaya dzemihoro.
Amai Hillary Clinton vebato reDemocrats voshora wavari kukwikwidzana navo musarudzo dzekutsvaga mutungamiri weAmerica, VaDonald Trump vebato reRepublican vachiti vanoda kungodhinda mari zvakapa kuti Zimbabwe neGermany dziyende kumawere munyaya dzezvehupfumi.
Mhirizhonga inonzi iri kuenderera mberi kuPretoria muSouth Africa zvizvarwa zveZimbabwe zvichibirwa nekupwanyirwa zvitoro.
Sangano reNational Transitional Justice rinoti vanhu vanofanira kuramba vachipa pfungwa dzavo kunyangwe bhiri rekupodza maronda nekuregererena rakambonzi rimire kuzeyiwa.
Muchirongwa cheLivetalk na8.30 pm tiri kutarisa nezvekushomeka kwemari munyika.
Kana muchida kupinda muchirongwa ichi, kanawo kutumira mashoko kuStudio7, shandisai whatsapp panhamba dzinoti + 1 202 465 0318.
Vanoda kuteerera Studio7, tibateyi na 7 pm pamasaisai anoti 909 am ne 4930 kilohertz pa Short Wave.
