Nhengo yeMDC-T kuGoromonzi Inosungirwa Kutuka VaMugabe

Mumwe murume wekwa Juru Growth Point mudunhu reGoromonzi North, VaMoenda Mbera, vakasungwa neChipiri vachipomerwa mhosva yekutuka mutungamiri wenyika, VaRobert Mugabe, vachishandisa nemashoko anonzi anonyadzisa.

VaMbera, avo vane makore makumi matatu nemashanu ekuberekwa, vanowe zvakare kanzura weWard 9 uye vari nhengo yeMDC T, vanga vachifanirwa kumiswa pamberi pedare ramejasitiriti kwaMurehwa neChitatu.

Asi gweta riri kumirira VaMbera, VaKennedy Masiye, veZimbabwe Lawyers for Human Rights, vanoti muchuchisi anonzi ati haakwanise kuenderera mberi nenyaya iyi asina gwaro rekuchuchisa kana kuti certificate of prosecution.

Izvi zvinonzi zvazoita kuti dare ripe VaMbera masamanisi ekuti vadzoke kudare musi wa 26 Mbudzi.

VaMasiye vanoti VaMbera vari kupomerwa mhosva yekutyora chikamu chemutemo weCriminal Law (Codification and Reform) Act.

Embed share

Hurukuro naVaKennedy Masiye

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:19 0:00

Pekupinda Napo Kuti Muone Zvamuri Kuda

• 64 kbps | MP3

Pop-out player