VaChamisa Vovimbisa Vagari vekuMaruwa Huchi neMukaka kana Vakakunda Musarudzo

Vachamirira mubatanidzwa weMDC Alliance musarudzo dzemutungamiri wenyika, uye vari mutungamiri weMDC-T, VaNelson Chamisa, vakati vachasimudzira hupenyu hwevanhu vekumaruwa pamwe nekupa dzidzo yepachena kana vakakunda musarudzo dzegore rino.

Vachitaura nevatsigiri vavo panzvimbo yemabhizimusi paNzvimbo kuChiweshe mudunhu reMashonaland Central, nemusi weSvondo, VaChamisa vakati vachasimudzira hupenyu hwevanhu kumaruwa, vachiti nguva yareba vagari vekumaruwa vachibatwa neseri kwemaoko neZanu PF.

VaChamisa vakatiwo vana vechikoro vedzidzo yepasi vachange vave kudzidza pachena kana vachinge vapinda muhurumende.

Vakaenderera mberi vachiti vaimbova mutungamiri wenyika VaRobert Mugabe, vanofanira kupihwa mukana wekuti vazorore kunyange vachiti vakawondomora nyika.

VaChamisa vakatiwo sebato vachaedza kuti pave nemutemo uchagadzirisa nyaya yekuchinjanwa kwemasimba kana kuti Transition Act.

Zvichakadaro, mumwe wevatungamiri vari muMDC Alliance, VaWelshman Ncube vakatiwo masoja anofanirwa kubviswa mukomisheni inoona nezvesarudzo yeZEC kuitira kuti sarudzo dziitwe zviri pachena.

VaChamisa vakatarisirwa kuita mumwe musangano nevatsigiri vavo kuBulawayo mushure mezororo reEaster.

Embed share

Nyaya ina Thomas Chiripasi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:03 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player