Komiti yeParamende Inoona nezveKugarisana Yotarisirwa Kunzwa Nyaya yeVashandi veBazi reImmigration

Komiti yedare reparamende inoona nezvekugarisana zvakanaka kwevanhu kana kuti Labour and Social Welfare neMuvhuro iri kutanga kunzwa mhosva yekutyora kodzero dzevashandi iri kupomerwa vamwe vakuru mubazi rezvekupinda nekubuda kwevanhu munyika kana kuti Department of Immigration.

Vashandi vanonzi vakatyorerwa kodzero ava vakatomiswa mabasa.

Vaimbova mutevedzeri wegurukota mubazi rezvemukati menyika VaObedingwa Mguni vari kutarisirwa kumira pamberi pekomiti iyi vachipa humbowo.

Vashandi vakawanda vanoti vakamiswa mabasa zvisiri pamutemo vamwe vachipomera vakuru-vakuru mubazi iri mhosva yekuita tanga wandida nemadzimai kuti vakwiridzirwe pabasa.

Mutevedzeri wemutungamiri wenyika VaConstantino Chiwenga vanonzi vakatopihwa tsamba yenyunyuto ichibva kuvashandi ava.

VaRobert Williams, vanove mumwe wevashandi vakamiswa basa mubazi rezvekupinda nekubuda kwevanhu munyika iri, vanoti vanotambira kutanga basa kwekomiti iyi, asi vachiti havana chivimbo chekuti ine zvainoburtsa.

VaWilliams vanoti vari kunyunyuta zvikuru nemafambisirwo ari kuitwa nyaya yavo, vachienzanisa mashandiro ari kuita mamwe makomiti nemashandiro ekomiti iri kutarisa nyaya yavo.

Embed share

Hurukuro naVaRobert Williams

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:56 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player