Accessibility links

Breaking News

MDC T: Hurumende Ngairemekedze Bumbiro reMitemo Inobata Kutongwa kweMatunhu


Mutungamiri weMDC T, VaMorgan Tsvangirai

Bato reMDC T rinoti rinokatyamadzwa zvikuru nekusaratidza hany’a kwarinoti kuri kuitwa nehurumende yeZanu PF mukuona kuti bumbiro remitemo yenyika raremekedzwa kuburikidza nekupa masimba kumatunhu.

Bato reMDC T rinoti rinokatyamadzwa zvikuru nekusaratidza hany’a kwarinoti kuri kuitwa nehurumende yeZanu PF mukuona kuti bumbiro remitemo yenyika raremekedzwa kuburikidza nekupa masimba kumatunhu.

Mugwaro raburitswa nebato iri, mutauriri weMDC T, VaObert Gutu, vanoti vari kukurudzira hurumende kuti iremekedze bumbiro remitemo yenyika munyaya dzekutongwa kwematunhu sezvinodiwa nezvikamu 264 ne 265 zvebumbiro idzva remitemo yenyika.

“Zvikamu izvozvi zvinotaura nezvekuti pave nekuzvitonga kwemaguta nematunhu, uye masimba aya anofanirwa kuiswa kumakanzuru ematunhu nemaguta,” VaGutu vanodaro.

VaGutu vanotiwo nyika yave nemakore matatu yave nebumbiro idzva asi hurumende iri kutonga iri kukweva makumbo mukutevera bumbiro iri.

“Nanhasi hatisati tave nema provincial councils uye Urban Councils Act haisati yashandurwa kana kuvandudzwa.”

VaGutu vanoti vari mushishi kuronga kuti nhengo dzavo dziri muparamende dzisimudze nyaya iyi nechimbichimbi kuitira kuti hurumende isaramba yakarara nezamu mumukanwa.

please wait
Embed

No media source currently available

0:00 0:02:45 0:00
Pekupinda Napo Kuti Muone Zvamuri Kuda

XS
SM
MD
LG