VaChamisa Vanoti Vari Kukunda Zvine Mutsindo Musarudzo yeMutungamiri weNyika

Mutungamiri weMDC Alliance, VaNelson Chamisa, vanoti havasi kufara nekutyisidzirwa kuri kuitwa vatsigiri vavo mudunhu reMashonalandCentral pamberi pesarudzo dzemusi weMuvhuro.

Vachitaura nevatsigiri vavo pamusangano waitirwa muChipadze Stadium muBindura, VaChamisa vati havasi kufara nekutyisidzirwa kuri kuitwa vatsigiri vavo nebato reZanu PF muMashonaland Central.

Zvisinei nekutyisidzirwa uku, VaChamisa vati vachakunda musarudzo dzemusi weMuvhuro vanhu vagove nerugare rwusingapere.

Asi gurukota rinoona nezvinoitika muMashonaland Central uye,vari nhengo yeCentral Committee yeZanu PF, VaEngelbert Dinha, vati bato ravo rine rutsigiro rwakakura zvikuru mudunhu reMashonaland zvekuti hapana chikonzero chekuti vatyisidzire nhengo dzeMDC Allaince.

VaChamisa vatiwo vane rutsigiro rwakawanda kunyangwe nemubato riri kutonga sezvo vachiti veruzhinji vave kuda shanduko munyika.

VaChamisa vatiwo kunyange komisheni isina kugadzirisa nhuna dzavo, vachakunda musarudzo idzi zvine mutsindo.

Embed share

Nyaya Ina Thomas Chiripasi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:38 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player