Vaimbova mutauriri webato reMDC inotungamirwa navaWelshman Ncube vaJoshua Muhambi vanoti vabuda mubato iri.
NeChipiri bato iri rainge rabvisa VaMuhambi kubazi rezvekuburitswa wemashoko vachiendeswa kubazi rezvekudyidzana nedzimwe nyika.
Asi VaMuhambi vanonzi havana kufara nedanho iri uye vaudza Studio 7 kuti vave kuda kuzviitira havo zvinhu zvavo zvavasina kuda kudoma.
Mutevedzeri wemutungamiri webato iri VaEdwin Mushoriwa vanoti bato ravo richaita Congress gore rinouya apo vachazeyawo kuti voramba vachishandisa zita rekuti MDC here kana kuti kwete.
VaMushoriwa vanoti danho rakatorwa nebato ravo pakubvisa VaMuhambi pachidzvimbo chavange vari vachivaendesa kumwe rakatorwa seimwe senzira yekugadzirisa zvinhu sarudzo yekutsvaga mutungamiri wenyika mutsva mugore ra 2018 isati yasvika.
