VaBiti Voyambira VaMnangagwa Kuti Vanogona Kudzoka Ari Maoko Chete kuDavos Vakasagadzirisa Zvinhu muZimbabwe

Mutungamiri webato rinopikisa rePeople’s Democratic Party varizve nhengo yeMDC Alliance VaTendai Biti vanoti kumusangano weDavos, Switerland kwakaendwa nemutungamiri wenyika VaEmmerson Mnagagwa kunogona kusabuda chinhu kana Zimbabwe ikasavandudza mitemo yayo.

Mapepanhau ehurumende kunyaya ari kuti VaMnangagwa vari kubudirira zvikuru uye nyika dzose dziri kuda kutaura navo kumusangano uyu. Asi VaBiti vanoti zvimwe zviri kutaurwa nevehurumende ndezvemugotsi matsuro uye gudzira mukanwa.

Vati kana Zimbabwe ichida kukwezva vemabhizimisi vekunze inofanira kuvandudza mitemo yayo yakawanda uye kuita sarudzo dzakachena dzinotambirwa nenyika dzepasi rose.

Asi VaBiti vati nemaziviro avo ebato reZanu-PF kuda kuriti richinje maimbiro kupedzera hoko padehwe retsindi. VaBiti ndivo vaive gurukota rezvehupfumi muhurumende yemubatanidzwa.

Embed share

Hurukuro naVaTendai Biti

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:33 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player