Accessibility links

Breaking News

Vanhu Vanodarika Zana Vomiswa Mumatare


Vanhu vanosvika zana kusanganisira nhengo dzedare reparamende vari kutarisirwa kumiswa kumatare muna Ndira vachipomerwa mhosva dzine chekuita nekuratidzira kwakaitika gore rapera.

Vanhu vanosvika zana kusanganisira nhengo dzedare reparamende vari kutarisirwa kumiswa kumatare muna Ndira vachipomerwa mhosva dzine chekuita nekuratidzira kwakaitika gore rapera.

Mumashoko avo kuvatori venhau, sangano reZimbabwe Lawyers for Human Rights rati magweta aro anenge ari mubishi kumirira vanhu ava.

Vachange vari mumatatre vanosanganisira Amai Ronia Bunjira naVaFani Munengami nhengo dzedare reparamende dzichimirira MDC-T muHarare.

Kutongwa kwevamwe vanhu ava kuri kutanga neChishanu. Musi uyu Amai Bunjira vanenge vari pamberi pedare nevamwe vachipomerwa mhosva yekukonzera mhirizhonga mushure mekuratidzira kwainge kwarongwa nesangano reNational Electoral Reform Agenda.

Musi weChipiri nhengo dzemasangano evanotengesa mumigwagwa dzakaratidzira paTown House muHarare kusanganisira VaStern Zvorwadza dzinenge dziri mudare.

Vamwe vachamiswa pamberi pematare vanosanganisira VaPromise Mkwananzi nenhengo dzesangano ravo reTajamuka uye mufundisi veRemnant Church, VaPhilip Mugadza.

Mukuru weZimbabwe Lawyers for Human Rights, Muzvare Rose Hanzi, vanoti magweta avo achange achimirira vanhu ava.

Hurukuro naMuzvare Rose Hanzi
please wait

No media source currently available

0:00 0:00:49 0:00
Pekupinda Napo Kuti Muone Zvamuri Kuda

XS
SM
MD
LG