Makundano eCastle Lager Premier Soccer League amboenda kuzororo kupa mukana kumakwikwi eChibuku Super Cup.
Makundano emikombe anowanzo teverwa nechaunnga zvekuti nhandare dzichange dzakazara kuti tashu apo mitambo mina ichatambwa mumativi mana ese enyika.
Mugovera
NeMugovera kune mitambo miviri, Ngezi Platinum ichatamba neTsolotsho kuBaobab Stadium ukuwo ZPC Kariba ichitamba neHarare City.
Mutsigiri wechikwata cheDynmos vaWallace Mawire vanoti varikukurudzirawo vabati vepembe kuti varidze zvakanaka kuita kuti kusaitike nhere mhere. Harare City ndiyo ine mukombe uyu asi ine dambudziko guru apo irikusangana neZPC Kariba muNyamhunga Stadium neMugovera.
Pakatamba zvikwata zviviri izvi mumutambo weligi Harare City yakakunda 1-0 muNyamhunga imomo asi muongorori wezvemutambo wenhabvu VaMisheck Chisaga vanoti nematambiro arikuita Katuruturu ikozvino izvi hazviitike. MuBulawayo neSvondo mune mutambo uri kutyisa pakati peHighlanders ne How Mine.
How Mine inorairidzwa na Kelvin Kaindu uyo aimborairidza Bosso kare zvekuti pese panosanga zvikwata izvi hapadaidzwa anonzwa. Asi vaChisaga vanoti zvakaoma kudaro Highlanders ichakunda.
Svondo
NeSvondo zvekare chikwata chirikutungamira makwikwi eCastle Lager Premier Soccer League cheFC Platinum chakananga kuTriangle panguva iyo Ngezi Platinum Stars ine Tsholotsho pamusha wayo weBaobab. Chikwata chinotora mukombe uyu chinopihwa mari inoita iyo zviuru makumi manomwe nemakumi maviri nezvishanu. Chinopedza chiri mufainari zviuru makumi mashanu.