Accessibility links

Breaking News

VaCharamba Voramba Kutaura nezveKusiyira Panzira Musango weSADC Kwakaitwa naVaMugabe


VaGeorge Charamba
VaGeorge Charamba

Mutungamiri wenyika VaRobert Mugabe vanonzi neChipiri vakabva kumusangano weSADC Summit kuSwaziland vachienda kuDubai.

Mutauriri waVaMugabe VaGeorge Charamba varamba kutaura neStudio 7 nezvenyaya iyi vachiti havana kusununguka kutaura nenhepfenyuro ino.

Munyika mabva matanga kuita mutauro vamwe vachiti VaMugabe vari kurwara asi vamwe muhurumende vachiti vane musangano wavange vachida kuenda kunoita.

Asi nyaya yehutano hwaVaMugabe avo vane makore makumi mapfumbamwe nemaviri ekuberekwa iri kuramba ichitaurwa nevakawanda munyika.

Masvondo maviri apfuura bepanhau reZimbabwe Independent rakati vanachiremba vaVaMugabe vainge vauya muZimbabwe kubva kuSingapore sezvo vamugabe vosimbirwa nechirwere chegomarara.

Asi kunyangwe paine mutauro nezvehutano hwavo, VaMugabe vari kutarisirwa kuenda kuNew York musi wa 21 Gunyana kumusangano weUnited Nations General Assembly.

Mupepeti mukuru webepanhau reZimbabwe Independent VaDumisani Muleya vati semaziviro avo VaMugabe havana kuenda kuDubai nekuti hutano hwavo hauna kumira zvakanaka asikuti rwendo urwu rwange rwakarongwa kare.

Asi pakataura Studio 7 nevamwe vari mubazi rezvekudyidzana nedzimwe nyika, hapana rwendo rwakadai rwange rwakarongwa. Vakuru mubazi iti vaingotaura nezvekuenda kwaVaMugabe kuKenya, Swaziland nekuNew York.

Hurukuro naVaDumisani Muleya
please wait

No media source currently available

0:00 0:01:40 0:00
Pekupinda Napo Kuti Muone Zvamuri Kuda

XS
SM
MD
LG