Mukuru wesangano regirl child network muzvare Betty Makoni vanoti vane humbowo hwekuti mudzimai wechidiki ari kupomerwa Muporofita Walter Magaya mhosva yekuvabata chibharo ave kutyisidzirwa.
Asi mutauriri wemapurisa Senior Assistant Commissioner Charity Charamba vaudza Studio 7 kuti nyaya iyi haisati yasvika munzeve dzavo.
Senior Assistant Commissioner Charity Charamba vatiwo havangataure nezvemashoko ari mumapepa akaendeswa naVaMagaya kumatare ekuti vezvematongerwo enyika ndiivo vari kuda kuti vasungwe.
VaMagaya vakasungwa nemusi weChishanu vachipomerwa mhosva yekubata mumwe mudzimai ane makore maviri chibharo kumba kwavo kuMount Pleasant muHarare.
Vakapedza husiku hwose vari mutirongo kuRhodesville vakamiswa pamberi pedare ramejastiriti neMugovera vakabvisiswa zviuru zviviri szvemashora semari yechibatiso.
Gweta raVaMagaya, VaEverson Chatambudza vaudza Studio 7 kuti vange vari panhandare yendege vachiti tizovafonera. Asi hatina kukwanisa kuzovabata panharembozha yavo.
