Mutuhwini uyu atarisana nemenduru yake yechitatu ye 200 metre backstroke mushure mekusvika mufainari yemakundano aya muOlympics Aquatics Arena neChishanu mangwanani.
Coventry akapedza ari pachinhanho chechitanhatu asi nenguva dzakanaka. Akatora maminitsi maviri nemasekonzi masere nemasere nematatu anoraudzira.
Mujaho uyu wakakundwa naKatinka Kosszu weku Hungary uyo ari kurura nemaminitsi maviri nemasekonzi matanhatu nematau anoraudzira. Maya DiRado wekuUSA pamwe naLiu Yaxin wekuChina ndivo vatora zvimwe zvinzvimbo zvekutanga.
Mutsigiri wemitambo VaWallace Mawire vanoti Coventry arikushanda nesimba mukuedza kusimudzira mureza weZimbabwe.
Mumwe muongorori wezvemutambo VaMathias Kufandirimba vatorawo nguva ino kupa ruremekedzo kuna Micheene Thorncroft uyo ari muma semi fainari erowing.
Totarisa munyaya dzemuCastle Lager Premier Soccer League,
Makwikwi aya arikupinda muvhiki negumi nepfumbamwe apo Caps United yakaomerwa nerwendo rweku Colliery kunotamba neHwange
VeChipangano havawanzodyiwa pamusha zvekuti maGreen Machine anofanira kusunga dzisimbe.
Asi mutsigiri wechikwata ichi ane mukurumbira Misheck Chisaga anoti Hwange inotamba zvakanaka asi maKepekepe akagadzirira zvakakwana.
Chikwata chiripamusoro cheFC Platinum chine mutambo unenge wakati reruke neMutare City Rovers.
Mimwe mitambo iriko ndeiyi…
Mugovera
Ngezi Platinum Stars v How Mine (Baobab)
Harare City v Border Strikers (Rufaro)
Tsholotsho v Triangle (White City)
Chapungu v ZPC Kariba (Ascot)
Svondo
Dynamos v Bulawayo City ( Rufaro)
Highlanders v Chicken (Barbourfields)
