WASHINGTON D.C. —
Vakafanobata chigaro chemutungamiri weMDC-T, Engineer Elias Mudzuri nhasi vari kutarisirwa kushanyira dunhu reChegutu, kuMashonaland West, kuti vanozvionera vega pamhino sefodya dambudziko rechirwere che cholera, icho chinonzi chabata vanhu vanodarika makumi manomwe uye kuuraya vanhu vanosvika vana.
Kunyange hazvo bazi rezvehutano riri kuti chirwere ichi chakwanisa kudzivirirwa kuti chisapararira, Dr Fortune Nyamande vesangano reZimbabwe Association of Doctors for Human Rights vanoti nyaya yehurumende yekuti zvipatara zvimbomira kupinza vana chiremba vanenge vapedza zvidzidzo basa iri kutopa kuti nyika izotatarika zvakanyanya kana yasangana nematambudziko ezvirwere zvakaita seche cholera ichi.
Facebook Forum