Hurumende Inopinza Varairidzi Vatsva Basa Senzira yeKurerutsa Dambudziko muZvikoro

Hurumende inonzi yapinza mabasa varairidzi vatsva senzira yekurerutsa dambudziko rekushomeka kwevarairidzi muzvikoro zvepasi zve primary ne secondary.

Gwaro raburitswa nebazi rezvedzidzo rine mazita evarairidzi vakabudirira richivazivisa kuti vaende kumahofisi ebazi iri ari mumatunhu akasiyanasiyana uko vachanopiwa zvikoro zvavanenge vachizoshandira.

Gurukota rezvedzidzo yepasi VaCain Mathema mwedzi wapera vakaudza bepanhau re New Zimbabwe kuti hurumende yakanga yapa bazi ravo mvumo yekuti ripinze basa varairidzi vatsva vanosvika zviuru zvishanu mugore rino ra2020.

Varairidzi vakapinzwa mabasa ava vanonzi ndevaya vane magwaro ebasa nechakare.

Ongororo yakaitwa neboka republic Service Commission kutanga kwegore rapera inoratidza kuti paive nevarairidzi vakadzidzira basa asi vasingashande vaidarika zviuru gumi nezvipfumbamwe, vamwe vavo vakapedzisira kushanda muna 2012.

Hatina kukwanisa kubata VaMathema kuti tinzwe zvizhinji pamusoro penyaya iyi.

Asi munyori musangano revarairidzi rePTUZ, VaRaymond Majongwe vanoti sesangano vanoona sekunge hurumende iri kutora danho rekupinza varairidzi basa iri senzira yekutyisidzira varairidzi vari kuda kuramwa mabasa panovhurwa zvikoro kotoro ino.

VaMajongwe vanotiwo kunyange hazvo hurumende yapinza basa varairidzi vatsva ava, vashoma zvakanyanya kuti varerutse dambudziko rekushomeka kwevarairidzi muzvikoro.

Embed share

Hurukuro naVaRaymond Majongwe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:03 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player