HARARE —
Mukuru wevatongi vedare repamusoro, VaGeorge Chiweshe, vanoti mutungamiri wenyika VaRobert Mugabe havasungirwe kutevedzera mutongo wedare iri wekuti vange vazivisa mazuva achaitwa sarudzo itsva musi wa 31 Kurume usati wadarika.
Vachitura mutongo wavo mudare repamusoro, mukuru wevatongi vedare iri, VaGeorge Chiweshe, vati mutungamiri wenyika VaRobert Mugabe havafaniri kutevedzera mutongo wedare repamusoro reHigh Court waivasungira kuti vange vazivisa musi uchaitwa sarudzo itsva kana kuti ma by-elections munharaunda yeBulilima East, Lupane East neNkayi musi wa 31 Kurume wegore rino usati wadarika.
Pakazopihwa mutongo uyu nedare repamusoro, dare repamusorosoro reSupreme Court rakambenge ratsinhirawo mutongo wedare repamusoro waisungira VaMugabe kuzivisa mazuva achaitwa sarudzo itsva munzvimbo idzi.
Asi VaMugabe vakaenda kudare repamusoro vachikumbira nguva yekuti vatare zuva resarudzo idzi musi wa 31 Kurume usati wadarika muchikumbiro chakatambirwa nedare iri musi 2 Gumiguru gore rapera.
Vaimbova vamiriri venzvimbo nhatu idzi muparamende vakaenda kumatare vachida kuti paitwe sarudzo itsva munharaunda idzi zvichitevera kudzingwa kwavakaitwa mubato reMDC inotungamirwa na muzvinafundo Welshman Ncube.
Mutongi wedare VaChiweshe vati vachapa zvikonzero zvavo neMuvhuro zvekuti sei vatura mutongo uyu.
Gweta revatatu ava, VaTawanda Zhuwarara veZimbabwe Lawyers For Human Rights vati vachamirira kuona mutongo wose waVaChiweshe voita musangano nevavari kumiririra voona kuti votora danho ripi.
Nyanzvi munyaya dzezvematongerwo enyika uye vari mukuru wesangano re Zimbabwe Democracy Institute VaPedzisai Ruhanya vashora mutongo waVaChiweshe uyu.
Mutongi unorevawo zvakare kuti hapachaitwe sarudzo munharaunda dzakawanda munyika dzisisina vamiririr mudare reparamende.
Zvizvarwa zveZimbabwe zvakatarisirwa kunovhota musarudzo dzemutungamiri wenyika, dzekutsvaga nhengo dzeparamende pamwe nemakanzura gore rino muzuva risati ratarwa.
Vachitura mutongo wavo mudare repamusoro, mukuru wevatongi vedare iri, VaGeorge Chiweshe, vati mutungamiri wenyika VaRobert Mugabe havafaniri kutevedzera mutongo wedare repamusoro reHigh Court waivasungira kuti vange vazivisa musi uchaitwa sarudzo itsva kana kuti ma by-elections munharaunda yeBulilima East, Lupane East neNkayi musi wa 31 Kurume wegore rino usati wadarika.
Pakazopihwa mutongo uyu nedare repamusoro, dare repamusorosoro reSupreme Court rakambenge ratsinhirawo mutongo wedare repamusoro waisungira VaMugabe kuzivisa mazuva achaitwa sarudzo itsva munzvimbo idzi.
Asi VaMugabe vakaenda kudare repamusoro vachikumbira nguva yekuti vatare zuva resarudzo idzi musi wa 31 Kurume usati wadarika muchikumbiro chakatambirwa nedare iri musi 2 Gumiguru gore rapera.
Vaimbova vamiriri venzvimbo nhatu idzi muparamende vakaenda kumatare vachida kuti paitwe sarudzo itsva munharaunda idzi zvichitevera kudzingwa kwavakaitwa mubato reMDC inotungamirwa na muzvinafundo Welshman Ncube.
Mutongi wedare VaChiweshe vati vachapa zvikonzero zvavo neMuvhuro zvekuti sei vatura mutongo uyu.
Gweta revatatu ava, VaTawanda Zhuwarara veZimbabwe Lawyers For Human Rights vati vachamirira kuona mutongo wose waVaChiweshe voita musangano nevavari kumiririra voona kuti votora danho ripi.
Nyanzvi munyaya dzezvematongerwo enyika uye vari mukuru wesangano re Zimbabwe Democracy Institute VaPedzisai Ruhanya vashora mutongo waVaChiweshe uyu.
Mutongi unorevawo zvakare kuti hapachaitwe sarudzo munharaunda dzakawanda munyika dzisisina vamiririr mudare reparamende.
Zvizvarwa zveZimbabwe zvakatarisirwa kunovhota musarudzo dzemutungamiri wenyika, dzekutsvaga nhengo dzeparamende pamwe nemakanzura gore rino muzuva risati ratarwa.
