Zimbabwe Human Rights Commission Inoti Sarudzo dzekuHurungwe Hadzina Kufamba Zvakanaka

Sangano rinoongorora nyaya yekodzero dzevanhu reZimbabwe Human Rights Commision raburitsa gwaro riri kuburitsa pachena kuti sarudzo kuHurungwe West hadzina kufambiswa zvakanaka nenyaya yemhirizhonga uye kutyisidzirwa kwevanhu.

Sachigaro wekomisheni iyi, VaElasto Mugwadi, vakaenda zvakanyanya kuHurungwe West munguva yesarudzo ye by election pakati paVaKeith Guzah veZanu-PF uye VaTemba Mliswa vaikwikwidza vakazvimirira.

VaGuzah vakakunda musarudzo idzi asi VaMliswa vakakwira kudare repamusoro vachipikisa kukundwa kwavo vachiti sarudzo hadzina kufambiswa zvakanaka.

Nyaya iyi iri kudzokera mudare zvakare neChitatu.

Gwaro resarudzo iri rakaendeswa kuna sachigaro wesangano reZimbabwe Electoral Commission, Amai Rita Makarau, asi hatina kukwanisa kuvabata panharembozha yavo.

VaGuzah vanoti havadi kutaura neStudio 7 nezvesarudzo idzi.

VaMliswa vanoti gwaro iri riri kuburitsa pachena zvavaitaura kuti musarudzo makaitwa mhirizhonga yakanyanya.

Embed share

Hurukuro naVaTemba Mliswa

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:02 0:00

Pekupinda Napo Kuti Muone Zvamuri Kuda

• 64 kbps | MP3

Pop-out player