WASHINGTON D.C. —
Zambia iri kuita sarudzo nhasi uye pane kukwikwidzana kwakasimba pakati pemutungamiri wenyika VaEdgar Lungu vebato rePatriotic Front naVaHakainde Hichilima vebato guru rinopikisa reUnited Party for National Development.
Sangano remubatanidzwa wenyika dzekuchamhembe kweAfrica, reSADC, harina kuendesa vaongorori richityira chirwere cheCovid-19.
Asi vemasangano akazvimirira oga vakatumira vaongorori kusanganisira emuZimbabwe.
Rimwe remasangano eZimbabwe akazvimirira, reWomen’s Academy for Leadership Excellence, riri muZambia kuti riongorore mafambiro achaita sarudzo idzi.
Mukuru wesangano iri, Muzvare Stabile Dewa, vanoti vanovimba kuti madzimai acha vhoteravo mamwe madzimai ari kukwikwidza musarudzo idzi.
Facebook Forum