Vatungamiri muZimbabwe neAfrica Voyambirwa Kuti Vatonge Zvakanaka Kuti Mauto Asarambe Achipidigure Hurumende

Nemusi weSvondo mauto emuGuinea achitungamirwa naColonel Mamady Doumbouya akapidigura hurumende yaVaAlpha Conde.

VaConde avo vakavandudza bumbiro remutemo kuti varambe vachitungamira nyika iyi vakasarudzwa gore rapera musarudzo dzainge dziine mutauro wakanyanya.

Izvi zvave kureva kuti muAfrica mauto apindira munyaya dzezvematongerwo enyika muAfrica achiyedza kana kutopidigura hurumende kanodarika mazana maviri.

Burkina Faso ndiyo ine mauto akapindira zvakanyanya kanosvika gumi ichiteverwa neNigeria kasere.

Mauto akapidigurawo hurumende muZimbabwe muna 2017 kanova kekutanga zvichiitika munyika. Panyika dzemuAfrica makumi mashanu nenhatu, nyika makumi mana dzine mauto akapindira mukupidigura hurumende.

Nyanzvi munyaya dzezvematongerwo enyika dzinoti zviri kuitika izvi zviri kudzosera Africa kumashure munyaya dzehutongo hwejekerere kunyangwe yange yambopemberera zvakaitika kuZambia uko kwakatambidzanwa masimba murunyararo.

Gweta rinorwira kodzero dzevanhu VaDewa Mavhinga vanoti vatungamiri venyika yeZimbabwe neAfrica vanofanira kukoshesa zvido zvevanhu kuti mauto asapindire munyaya dzezvematongerwo enyika.

Asi nhengo yeZanu-PF uye vaimbotungamira bato rinopikisa reDare vaGilbert Dzikiti vanoti chakakonzera kupindira kwemauto kuGuinea inyaya yekupindira munyaya dzezvematongerwo enyika muAfrica kunoita France.

Embed share

Hurukuro naVaDewa Mavhinga naVaGilbert Dzikiti

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:36 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player