VaSaviour Kasukuwere Vodzoka muZimbabwe Kubva muHupoteri

Vaimbova gurukota rinoona nezvematunhu uye vachiona nezvegwara remusangano mubato reZanu-PF avo vainge vamboenda muhupoteri muna Mbudzi pakabviswa hurumende yavaive mutungamiri wenyika vaRobert Mugabe nemauto vadzoka kumusha nhasi kubva kuSouth Africa.

VaKasukuwere vaudza Studio 7 kuti ichokwadi kuti vasvika muZimbabwe nhasi asi vakati tozovafonera sezvo vange vari mumusangano.

Vamwe vakuru muhofisi yemutungamiri wenyika vaudza Studio 7 kuti VaKasukuwere vange vave nemwedzi mishanu vachikumbira mutungamiri wenyika VaEmmerson Mnangagwa kuti vabvumidzwe kudzoka munyika.

Kudzoka kwaVaKasukuwere uku konogona kupawo kuti mamwe makurukota nenhengo dzebato iri dziri muhupoteri dzidzoke kumusha asi dzichitarisira kumiswa pamberi pematare.

Gweta rinorwira kodzero dzevanhu uye vakwira ndege imwe chete naVaKasukuwere kubva kuSouth Africa VaDewa Mavhinga vanoti VaKasukuwere vambobvunzurudzwa nevasori kweawa imwe chete panhandare yendege yeRobert Mugabe International Airport.

Vamwe vechidiki veZanu-PF varatidzira panhandare iyi vachiti vanoda kuti VaKasukuwere vasungwe.

Embed share

Hurukuro naVaDewa Mavhinga

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:21 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player