Vanhu Vokurudzuirwa Kubayiwa Nhomba yeCovid-19 Sezvo Chirwere Ichi Chodzoka Zvakanyanya kuRussia neDzimwe Nyika

Vaimbova gurukota rezvehutano Dr David Parirenyatwa vari kukurudzira vanhu kuti varambe vachibayiwa nhiomba yekudzivirira chirwere cheCovid-19. Dr Parirenyatwa vaudza Studio 7 kuti vanhu havafanire kuvarairwa nekuti huwandu hwevari kufa nekubatwa nechirwere ichi hwati dzikirei parizvino

Embed share

Hurukuro naDr David Parirenyatwa

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:12 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player

Hurumende inoti ine hurongwa hwekubaya vanhu mamiriyoni gumi nhomba kana kuti zvikamu makumi matanhatu kubva muzana kuti inyatsoshanda.

Asi huwandu hwevanhu vari kubayiwa nhomba munyika huri kuramba huchidzika zvakanyanya, bazi rezvehutano rainge riine hurongwa hwekubaya vanhu mamiriyoni gumi nhomba mukupera kwegore.

Izvi zviri kuuya apo nyanzvi munyaya dzezvehutano dziri kuyambira kuti vanhu vakasabayiwa nhomba, chirwere ichi chinogona kudzoka zvine mutsindo kachina kana kuti fourth wave sezvavekuitika kunyika dzakaita seDominican Republic, Belgium ne Russia.

Mushure mekumbopedza mazuva maviri pasina afa nechirwere cheCovid-19, bazi rezvehutano rinoti vanhu vaviri vakafa nechirwere ichi neMugovera zvasiya vafa nacho kubva zvachatanga kupararira gore rapera vave zviuru zvina nemazana matanhatu nemakumi manomwe nemanomwe kana kuti 4, 677.

Vanhu makumi maviri nevasere vanosanganisra vana vechikoro gumi nevana pane chimwe chikoro kuMidlands vakabatwa nechirwere ichi. Izvi zvasiya vabatwa nechirwere ichi kubva zvachatanga kupararira vave zana rezviuru nemakumi matatu nemaviri nemazana mapfumbamwe nemakumi mashanu nemana kana kuti 132 954.

Vanhu vabayiwa nhomba yeCovid-19 kekutanga vave mamiriyoni matatu nezviuru mazana matatu zvine mazana manomwe nemakumi mapfumbamwe nemaviri kana kuti 306 792.

Vanhu vabayiwa kaviri sezvinokurudzirwa vave mamiriyoni maviri nezviuru mazana mashanu nemakumi mapfumbamwe nemazana manomwe nemakumi mana nemaviri kana kuti 2 590 742.