VaMwonzora naVaParadza Vozeya Zvakadzama Kushanya kwaVaMuseveni

Nyaya yekuuya kwemutungamiri wenyika weUganda, VaYoweri Kaguta Museveni, kuzovhura zviri pamutemo hurongwa hweZimbabwe International Trade Fair, ZITF, kuri kuramba kuchikonzera mutauro wakanyanya munyika.

Vanopikisa vanoti VaMuseveni nenyaya dzavo dzavanopomerwa dzekutyora kodzero dzevanhu vave kusvibisa hurongwa hwekutengeserana.

Asi vamwe muhurumende nemubato reZanu-PF vanoti VaMuseveni vari kuzorwa mafuta enguruve yavasina kudya nevanhu vanoda kusvibisa zita reZimbabwe nezvirongwa zvayo zvekutengeserana muAfrica.

Muunyori mukuru mubato reMDC inotungamirwa naVaNelson Chamisa, Senator Douglas Mwonzora, vanoti VaMuseveni vane nhoroondo yekutyora kodzero dzevanhu uye havafanire kunga vatombori pedyo nevatungamiri venyika dzinoti dzine hutongo hwejekerere.

Nhengo yeZanu-PF inomiririra Makonde mudare reparamende vari sachigaro wekomiti yezvekudyidzana nekutengeserana nedzimwe nyika, VaKindness Paradza, vanoti VaMuseveni mumwe wevatungamiri vakuru muAfrica, nekudaro vanofanira kuremekedzwa.

Embed share

Hurukuro naVaDouglas Mwonzora naVaKindness Paradza

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:03 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player