Mutungamiri wenyika VaRobert Mugabe neChitatu vakati chirongwa chekuendesa hupfumi kuvatema hachisi kuzodzokera kumashure uye vakati mirawo yemitemo iyi haina kusendekwa parutivi asi kuti ingori kukwenenzverwa.
Asi makurukota eMDC mudare remakurukota anoti gurukota rezvekuendeswa kwehupfumi kuvatema VaSaviour Kasukuwere nevamwe vakaoma musoro muZanu-PF ndivo vopa kuti pange poita gakava.
Makurukota aya anoti pane mirawo mitsva yakatenderanwa nedare remakurukota asi ari kushamisika kuti sei VaKasukuwere vasiri kupira voruzhinji zvakatenderanwa.
Mutungamiri wehurumende VaMorgan Tsvangirai vainge voti mirawo yakaburitswa naVaKasukuwere haina kutevera gwara nekuti ivo nevamwe vedare vainge vasina kusumwa.
VaElton Mangoma ndivo gurukota rinoona nezvekurongwa kwehupfumi. VaMangoma vanoti kana ivo VaMugabe vari kutenda kuti mirawo inofanirwa kuvandudzwa.