Vaimbove murairidzi wechikwata cheGunners, VaMoses Chunga, vanoti ichokwadi kuti vakatanga basa idzva semurairidzi weShooting Stars svondo rino.
VaChunga vanoti vanoshuwira kuti vachabatsira Shooting Stars kuti irambe iri mu Premier League, vozoona kuti yasimba zvekutora mukombe uyu gore rinouya.
VaChunga vakasiya basa kuGunners svondo rapera vachiti vava kuenda kunoita zvemabhizinesi.
Chikwata che Gunners chiri mumakwikwi eConfederations of African Football (CAF) Champions League gore rino.
VaChunga vanoti vane ruvimbo rwekuti chikwata ichi chichatamba zvakanaka mumakwikwi aya kunyange hazvo vasisiri kurairidza Gunners.