WASHINGTON —
Mutungamiri wenyika VaEmmerson Mnangagwa vanyora padandemutande ravo reTwitter vachiti havachaende kuDavos, Switzerland kumusangano weWorld Economic Forum.
VaMngangagwa vati gurukota ravo rezvemari muzvinafundo Muthuli Ncube ndivo vachange vakavamirira kuti vawane nguva yekugadzirisa zvinhu munyika umo musina kugadzikana mushure mekunge vanhu vatanga kuratidzira nemusi weMuvhuro vachiti havasi kufara nekudhura kwezvinhu.
Hatina kukwanisa kubata mutautiti waVaMnangagwa VaGeorge Charamba kuti tinzwe zvizhinji. VaMnangagwa vange vachishanya kuRussia, Belarus, Azerbaijan neKazakhstanvasati vaende kumusangano wekuDavos uyu svondo rino.
Facebook Forum