VaMadhuku Vanoti Bato Ravo Harisi Kuzopinda Musarudzo dzemaBy-Elections

Mutungamiri webato rinopikisa reNational Constitutional Assembly Muzvinafundo Lovemore Madhuku vanoti bato ravo harisi kuzopinda musarudzo dzemaby-elections dziri kuitwa musi wa 26 Kurume.

VaMadhuku vaudza Studio 7 kuti bato ravo harina mari nekudaro zvakakosha kuti vamboumba bato nekutsvaga vamwe vatsigiri vozokwikwidza musarudzo dzemuna 2023.

Sarudzo idzi dziri kutsiva nhengo dzeMDC Alliance kunyanya dzakadzingwa mubato neMDC-T inotungamirirwa naVaDouglas Mwonzora uye dzange dzave nenguva dzisina kuitwa hurumende ichiti zvaikonzerwa nechirwere cheCovid-19.

Asi vanopikisa vanoti hurumende yaingohwanda nemumwe ityityora bumbiro remitemo.

Sarudzo dziri kutarisirwa kuitwa munzvimbo zana nemakumi matatu nematatu dziri dzemakanzura nenhengo dzedare reparamende.

Embed share

Hurukuro naMuzvinafundo Lovemore Madhuku

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:21 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 32 kbps | MP3

Pop-out player