Mutungamiri wenyika yeAmerica VaDonald Trump vasangana muSingapore nhasi nemutungamiri wenyika yeNorth Korea VaKim Jong Un.
Musangano uyu wakatora maminetsi makumi matatu nemasere uye wainge wakanangana nekuyedza kunyengerera North Korea kuti iaparadze zvombo zvayo zvenuclear kuti igobvisirwawo zvirango nzvakaomarara zvayakatemerwa nenyika zhinji pasi rino dzichitungamirwa neAmerica.
Pakapera musangano uyu, VaTrump vakati vane chivimbo chekuti vachakwanisa kutaurirana kuti vagadzirise gakava ravo iri.
Zvipangamazanao zvaVaTrump kumusangano uyu zvange zvichisanganisa munyori wezvekudyidzana nedzimwe nyika VaMike Pompeo, chipangamazano chavo munyaya dzezvekudzivirirwa kwenyika VaJohn Bolton nevamwe.
Musangano wakadai pakati pemutungamiri wenyika yeAmerica neNorth Korea hausati wamboitwa munhoroondo yenyika idzi sezvo dzave nemakore dzakarimirana kumuganhu
. VaPompeo vazivisa vatori venhau kuti pakasabuda chouviri North Korea ichaomeserwa nezvimwe zvirango zvakaomarara.
Facebook Forum