WASHINGTON —
Apo SADC yosimbisa nyaya yekugadzirisa nyaya yegwara nezuva resarudzo, mutungamiri wenyika, VaRobert Mugabe, nemutungamiri wehurumende, VaMorgan Tsvangirai, vanenge vave kurova nhendeshure panyaya yavo yekuda kuti gurukota rezvemitemo, VaPatrick Chinamasa, uye gurukota rebumbiro nemabasa eparamende, VaEric Matinenga, vagadzire ivo hwaro hwesarudzo kana kuti election roadmap.
Pange poita bopoto panyaya iyi sezvo pange pasina kujeka kuti vaitungamira nhaurirano nenhumwa dzemutungamiri weSouth Africa, VaJacob Zuma, vachimirira mapato matatu ari muhurumende yemubatanidzwa, vachange voiteyi kana VaChinamasa naVaMatinenga vava pamatomu enyaya iyi.
Nhumwa dzaVaZuma dziri kutarisirwa kupinda munyika neChipiri kuzogadzirisa gwara resarudzo uye pange pasina kujeka kuti vanenge vouya kuzoita hurukuro nani.
Mutungamiri weTanzania, Vajakaya Kikwete, vanova sachigaro weSADC Troika, vakatumirawo nhumwa kuZimbabwe kuti mapato matatu aya avaudze kuti anoda kuti sarudzo dziitwe riinhi.
Mutauriri waVaTsvangirai, VaLuke Tamborinyoka, vanoti vakuru muhurumende vachashanda nemumwe mutungamiri weMDC diki, VaWelshman Ncube.
Studio7 haina kukwanisa kunzwa divi rebato raVaNcube panyaya iyi, kanawo mutauriri waVaMugabe, uye vari munyori mubazi rezvekuburitswa kwemashoko, VaGeorge Charamba.
Pange poita bopoto panyaya iyi sezvo pange pasina kujeka kuti vaitungamira nhaurirano nenhumwa dzemutungamiri weSouth Africa, VaJacob Zuma, vachimirira mapato matatu ari muhurumende yemubatanidzwa, vachange voiteyi kana VaChinamasa naVaMatinenga vava pamatomu enyaya iyi.
Nhumwa dzaVaZuma dziri kutarisirwa kupinda munyika neChipiri kuzogadzirisa gwara resarudzo uye pange pasina kujeka kuti vanenge vouya kuzoita hurukuro nani.
Mutungamiri weTanzania, Vajakaya Kikwete, vanova sachigaro weSADC Troika, vakatumirawo nhumwa kuZimbabwe kuti mapato matatu aya avaudze kuti anoda kuti sarudzo dziitwe riinhi.
Mutauriri waVaTsvangirai, VaLuke Tamborinyoka, vanoti vakuru muhurumende vachashanda nemumwe mutungamiri weMDC diki, VaWelshman Ncube.
Studio7 haina kukwanisa kunzwa divi rebato raVaNcube panyaya iyi, kanawo mutauriri waVaMugabe, uye vari munyori mubazi rezvekuburitswa kwemashoko, VaGeorge Charamba.
