Accessibility links

Breaking News

Scott Vincent weGorofu Otatarika kumaOlympics Kwaari Kumiririra Zimbabwe


Mutambi wegorofu wemuZimbabwe Scott Vincent atanga makundano ake egorofu ari pasi pasi kuma 2020 Olympic Games.

Mutambi uyu apedza mitambo yemusi weChina ari pachinhanho chemakumi mashanu nembiri pavatambi makumi matanhatu avo vapinda munhandare nhasi mangwanani.

Vincent atadza kutamba sezvaanozivikanwa achiita ndokupedza makomba anhasi ane mapoinzi maviri pamusoro peanotarisirwa two-over 73.

Vincent akaenzana pamapoinzi two-over 73 naNikolai Hojguaard wekuDenmark, Raphael Campos wekuPueto Rico, Gabrizio Zanotti wekuParaguay naMaximillan Knieffer wekuGrrmany.

Vincent ari pamapoinzi gumi pasi paSepp Straka wekuAustria uyo arikutungamira gungano revatambi iri.

Straka arikuteverwa na Jazz-Jane Wattananond wekuThailand uyo ari paseven Under 64, naThomas Pieters wekuBelgium uyo ari pasix Under 65.

Mutambi wegorofu uyo aimbove munyori weZimbabwe Golf VaWellington Chando vanoti Vincent ane basa guru rekuedza kuvhara musiyano uripo pakati pake nevarikutungamira.

Asi murongi wemitambo VaTendai Zhakata vanoti varikuona Vincent achitamba zvinodadisa kubva munharaunda yechipiri nemusi weChishanu nekuti anenge adzikamisa hana yake.

Mumutambo wegorofu anopedza makomba aine mapoinzi mashoma ndiye anotora hutungamiri kana mukombe

Nyaya Ina Michael Kariati
please wait

No media source currently available

0:00 0:02:45 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG