ZESN Inoti Paita Huwandu paVanhu Vabatsirwa kuVhota muSarudzo dze By-Election kuMukoto North

Sangano re Zimbabwe Election Support Network, ZESN, rinoti sarudzo dzekutsvaga mumiriri we Mutoko North muparamende dze by-election dzatanga nenguva uye zvikwanisiro zvese zvinoshandiswa pasarudzo zvanga zviripo.

Asi mukuru wesangano iri, Amai Rindai Chipfunde-Vava vanoti sangano ravo rinoshushikana nehuwandu hwevanhu vabatsirwa kuvhota uyewo nekupindira kwemasabhuku, ayo anga achishanda akamirira bato reZanu PF sema election agent.

Amai chipfunde-vava vanoti zvakadai izvi zvinogona kunge zvatadzisa vamwe vanhu kuenda kunovhota vakasununguka.

Sarudzo dzekuMutoko North dzanga dziri dzekutsvaga anotora chonzvimbo chakasiiwa naAmai Mable Chinomona veZanu PF, avo vave mutungamiri wedare reseneti.

Vakwikwidza musarudzo dzekuMutoko North ndaVaEdson Chigoma vebato reNCA, VaBoniface Mushore veMDC naAmai Rambidzai Nyabote veZanu PF.

Zvabuda musarudzo zviri kutarisirwa kuzivikanwa mukubuda kwezuva nemusi weSvondo.

Embed share

Hurukuro na Amai Rindai Chipfunde vava

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:08 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player