Sachigaro vesangano rePeople Against Suffering, Suppression, Oppression and Poverty (PASSOP), Va Braam Hanekom, vari kukurudzira zvizvarwa zveZimbabwe zviri muSouth Africa kuti zvisakurumidze kudzokera kumusha, zvichitevera mashoko ekutyisidzirwa kwaiitwa vanhu apo paifungidzirwa kuti kuchaitika mhirizhonga yemarudzi panopera mitambo ye 2010 FIFA World Cup.
Zviuru zvezvizvarwa zveZimbabwe zvinonzi zvakatodzokera kumusha pakupera kweWorld Cup zvichityira hupenyu hwazvo.
Asi Va Hanekom vanoti zvinhu hazvisati zvashanduka zvakanaka kuitira kuti vanodzokera vagare murunyararo.
Hurumende yeSouth Africa yakayambira zvizvarwa zvayo kuti zvisatange mhirizhonga, izvo zvinenge zviri kushanda pari zvino.
