Accessibility links

Breaking News

Gwaro reBumbiro Idzva Rinotambirwa muReferendamu


Gwaro rebumbiro idzva remitemo yenyika rakavhoterwa neMugovera rakatsigirwa nevanhu vanodarika mamiriyoni matatu, 3 079 966, ukuwo vanhu vanosvika 179 489, vakaramba kutambira gwaro iri mureferendamu iyi.

Magwaro ekuvhotera anosvika 56 627 haana kuverengwa sezvo akakanganiswa.

Zvakabuda mureferendamu zvaziviswa neChipiri muHarare nemukuru weZimbabwe Electoral Commission, ZEC, VaLovemore Chipunza Sekeremayi.

Vanhu vemuZimbabwe vakavhota mureferendamu neMugovera zvichitevera kupedza kunyorwa kwegwaro rebumbiro idzva rakanyorwa richikokerwa nekomiti yeparamende.

Mapatu matu ose ari muhurumende akakurudzira veruzhinji kuti vatsigire gwaro iri, ukuwo masangano akaita se National Constitutional Assembly nemawe aikurudzira veruzhinji kusatambira gwaro iri.
XS
SM
MD
LG