RBZ Inoti Vanhu Vave Kukwanisa Kutenga Mari yeKunze kumaBureaux de Change Asi Nyanzvi Dzichiti Mari Yacho Haipo

Gavhuna webhanga guru renyika, Doctor John Mangudya, vakapa mvumo kuma bureaux de change kuti akwanise kutengesera vanhuwo zvavo mari inosvika madhora mazana maviri pamwedzi.

Nyanzvi munyaya dzezvemabhanga, VaGilbert Muponda, vaudza Studio 7 kuti iri danho rakanaka asi panoda kuti Zimbabwe itsvage nzira dzekuunza mari kuburikidza nekutengesa zvinhu zvakawanda kunze kwenyika.

VaMangudya negurukota rezvemari, VaMthuli Ncube, vanoti vari kuyedza napose pavanogona napo kuti musika wemukoto usarambe uchipararira sezvo wave kupa kuti dhora remunyika rishaye simba uye mitengo yezvinhu ichiwedzerwa.

Pamusika uri pamutemo, dhora rimwe chete rekuAmerica riri kutengwa nemadhora makumi masere nemashanu asi pamukoto riri kutengwa nemadhora zana nemakumi matanhatu nemashanu.

Izvi zvave kupa kuti nyanzvi munyaya dzezvehupfumi dzikurudzire Muzvinafundo Ncube kuti vaderedze huremu hwedhora remunyika.

Embed share

Hurukuro naVaGilbert Muponda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:08 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player