WASHINGTON DC —
Chirongwa chebazi ramabharani mukuru wenyika chekufamba richinyoresa vanhu vanoda kuzovhota musarudzo, chinonzi hachina kutanga zvakanaka neMuvhuro munzvimbo zhinji dzemunyika sezvanga zvakatarisirwa nekuda kwezvikonzero zvakasiyanasiyana.
Sekushambadzwa kwazvakaitwa svondo rapera negurukota rezvemitemo, VaPatrick Chinamasa, chirongwa ichi changa chakatarisirwa kuparurwa mumawadhi ose emunyika.
Asi vagari vemunzvimbo dzakasiyanasiyana vataura neStudio 7 vanoti havana kuona vashandi vekwa Registrar-General ava sezvavanga vakavimbiswa.
Vamwe vari kuti chirongwa ichi hachina kushambadzwa zvakakwana, sezvo vasati voziva kuti chichafambiswa sei.
Mumwe mugari weku Chegutu mudunhu reMashonaland West, VaAlbert Goredema, vanoti vanhu vakawanda vaedza kunonyoresa kumahofisi ekwamudzviti vanga vachidzorwa vachinzi havana tsamba dzinoratidza kuti vagari vemudunhu iri.
VaGoredema vatiwo vakarasa zvitupa kana vane zvasakara vanga vachinzi vabhadhare mari kuitira kuti vakwanise kupiwa zvitupa zvitsva.
Zvinonziwo vane vabereki vekunze vanga vachida kutora zvitupa zvinoratidza kuti zvizvarwa zvemuZimbabwe, vanga vachinzi vauye nemumwe wevabereki vavo, uye mubereki uyu anofanirwa kuve chizvarwa cheZimbabwe kuitira kuti vakwanise kupiwa zvitupa.
Mumiriri weMbizo muparamende, VaSettlement Chikwinya, veMDC T, vanoti mudunhu ravo zvinhu hazvina kutanga zvakanaka sezvo vanhu vanga vachisangana nematambudziko akawanda.
Asi mumiriri weUzumba muparamende, uye vari nhengo yeZanu PF, VaSimbaneuta Mudarikwa, vanoti chirongwa ichi chatanga zvakanaka chose mudunhu ravo apo vanhu vanga vachinyoresa vari paNhakiwa.
Studio 7 yaedza kubata veZimbabwe Electoral Commission kuti tinzwe divi ravo, asi vati titaure nemukuru anoona nezvesarudzo, Chief Elections Officer, VaLovemore Sekeramayi, avo vanzi vanga vari mumusangano nguva yataedza kuvabata.
Sekushambadzwa kwazvakaitwa svondo rapera negurukota rezvemitemo, VaPatrick Chinamasa, chirongwa ichi changa chakatarisirwa kuparurwa mumawadhi ose emunyika.
Asi vagari vemunzvimbo dzakasiyanasiyana vataura neStudio 7 vanoti havana kuona vashandi vekwa Registrar-General ava sezvavanga vakavimbiswa.
Vamwe vari kuti chirongwa ichi hachina kushambadzwa zvakakwana, sezvo vasati voziva kuti chichafambiswa sei.
Mumwe mugari weku Chegutu mudunhu reMashonaland West, VaAlbert Goredema, vanoti vanhu vakawanda vaedza kunonyoresa kumahofisi ekwamudzviti vanga vachidzorwa vachinzi havana tsamba dzinoratidza kuti vagari vemudunhu iri.
VaGoredema vatiwo vakarasa zvitupa kana vane zvasakara vanga vachinzi vabhadhare mari kuitira kuti vakwanise kupiwa zvitupa zvitsva.
Zvinonziwo vane vabereki vekunze vanga vachida kutora zvitupa zvinoratidza kuti zvizvarwa zvemuZimbabwe, vanga vachinzi vauye nemumwe wevabereki vavo, uye mubereki uyu anofanirwa kuve chizvarwa cheZimbabwe kuitira kuti vakwanise kupiwa zvitupa.
Mumiriri weMbizo muparamende, VaSettlement Chikwinya, veMDC T, vanoti mudunhu ravo zvinhu hazvina kutanga zvakanaka sezvo vanhu vanga vachisangana nematambudziko akawanda.
Asi mumiriri weUzumba muparamende, uye vari nhengo yeZanu PF, VaSimbaneuta Mudarikwa, vanoti chirongwa ichi chatanga zvakanaka chose mudunhu ravo apo vanhu vanga vachinyoresa vari paNhakiwa.
Studio 7 yaedza kubata veZimbabwe Electoral Commission kuti tinzwe divi ravo, asi vati titaure nemukuru anoona nezvesarudzo, Chief Elections Officer, VaLovemore Sekeramayi, avo vanzi vanga vari mumusangano nguva yataedza kuvabata.
