Nyaya yeYouth Service Younza Kusawirirana Pakati peZanu-PF neMDC Allianc

Vebato reMDC Alliance neZanu-PF vave kuudzana meno amire panyaya yekudzoswa kwoitwa nehurumende chirongwa cheNational Youth Service pamberi pesarudzo dza2023.

Chirongwa chekutanga cheNational Youth Service chakaparurwa paimbova pakamba yemauto ye2 Brigade kuMt Darwin muna 2001.

Kunyangwe hurumende yaiti yaida kudzidzisa vechidiki kuti vade nyika yavo, vechidiki ava vaidzidziswa zvechiuto nevaive varwi vehondo yerusununguko, mapurisa uye mauto.

Bazi rezvevechidiki raitungamirwa nevaive gurukota rezvevechidiki mushakabvu Border Gezi rakatenda kuti raidzidzisa vechidiki zvechiuto kuitira kuti vakwanise kudzivirira nyika kana vodiwa.

Mamwe masangano anorwira kodzero dzevanhu anoti vechidiki ava vaibata chibharo uye kuita mhirizhonga vachitsigira bato reZanu-PF. Asi hurumende inoti vaizorwa mafuta enguruve yavasina kudya sezvo vamwe vacho vave kuita mabasa epamusoro muhurumende.

Mukuru mubazi rezvekuburitswa kwemashoko muZanu-PF, VaTafadzwa Mugwadi, vanoti chinangwa chechirongwa cheNational Youth Service ndechekuti vechidiki vade nyika yavo.

Mutauriri wevechidiki muMDC Alliance Youth Assembly, VaStephen Chuma, vanoti zviri kuitwa neZanu-PF zvakanangana nekuda kuita mhirizhonga pamberi pesarudzo dza2023.

Embed share

Hurukuro naVaTafafadzwa Mugwadi naVaStephen Chuma

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:39 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player