Mutevedzeri wemutungamiri wehurumende, Muzvare Thokozani Khupe, neChina vakasarudzwa kuva mutungamiri mutsva weGlobal Task Force on Women, Girls, Gender Equality and HIV musangano reUNaids.
Muzvare Khupe, avo vanga vari mu Washington DC svondo rino pamwe nemutevedzeri wegurukota rekuburitswa kwemashoko, Va Murisi Zwizwai, gurukota remabasa nekugara zvakanaka kwevanhu, Amai Paurina Mpariwa-Gwanyanya, vanoti vari kufara neruremekedzo urwu nekuti runovapa simba rekuita basa rekutsvaga kumisa kupararira kwehutachiona hweHIV, kwete muZimbabwe chete, asi kuti pasi rose.
Amai Gwanyanya vati zvinofadza kuti Muzvare Khupe vachange vachitungamirira sangano iri. Musangano wepagore wesangano iri unonzi uchaitirwa kuZimbabwe gore rinouya.
