Sachigaro vechikwata chenhabvu cheGunners, VaTeddy Kasaira, vanoti vawirirana nemurairidzi wechikwata ichi, VaMoses chunga, kuti vasiye basa.
VaKasaira vanoti VaChunga vakanyora tsamba masvondo maviri apfura vatichi vave kusiya zvekurairidza nhabvu kuitira kuti vamboita nezvemabhizimusi emhuri yavo. Studio7 haina kukwanisa kutaura naVaChunga kuti tinzwe divi ravo.
VaChunga vanosiya basa apo Gunners ine mutoro mukuru wekutamba mumakwikwi eConfederations Of African Football Champions League, zvichitevera kutora kwakaita chikwata ichi mukombe wePremier Soccer League gore rapera.
VaKasaira vanoti kusiya basa kwaVaChunga hakusi kuzokanganisa gadziriro yechikwata ichi yemakwikwi eCAF Champions League sezvo Gunners ichange ichirairidzwa nevamwe varairidzi vaishanda naVaChunga.
