Vatambi vechidiki vemutambo wetenisi vatanga makwikwi makuru e New Winners Tournament neChipiri mangwanani muHarare. Asi mitambo iyi haina kuzoenderera mberi sezvo yazomiswa nemvura yanaya zvikuru masikati.
Mitambo iyi yange ichitambirwa kunzvimbo nhatu dzinoti Harare Sports Club, Saint George's ne Prince Edward.
Vatambi vechidiki vakawanda vanobva munzvimbo dzakasiyana siyana vange vari pamakwikwi aya. Makwikwi aya achaendera mberi neChitatu kana mvura ikasanaya.
Murariridzi wemutambo wetenisi musangano reTennis Zimbabwe, VaRichmore Murape, vanoti vari kufadzwa nekufamba kuri kuita mitambo iyi pari zvino.
