Sangano reZimbabwe Human Rights NGO Forum, rinoti mhirizhonga yatanga zvakare mumatunhu eMasvingo neMashonaland Central.
Mukuru wesangano iri, VaAbel Chikomo, vanoti ongororo yavo inoratidza kuti kushungurudzana kwatanga zvakare munzvimbo bato reZanu PF riri kukundikana kuramba.
Mutungamiri wechimwe chikwata chevakarwa muhondo yerusungunuko, VaJabulani Sibanda, vanonzi vane chirongwa chinonzi ‘’Operation Budiranai Pachena”.
Zvinonzi muchirongwa ichi vanounganidza vanhu vachivatyisidzira kuti vasatsigire MDC pamwe nemutungamiri wayo VaMorgan Tsvangairai.
Studio7 haina kukwanisa kunzwa divi raVaSibanda, avo vanonzi vari muZaka kuJerera uko vari kushungurudza vanhu.