Accessibility links

Breaking News

MDC Inoti Tsika yeZanu-PF Yokuita Misangano kuMamisha Ichapa Kuti Coronavirus Ipararire


Apo chirwere checoronavirus chotanga kupararira kumamisha, mumiriri weMutasa Central mudare reparamende, VaTrevor Saruwaka, vari kuyambira kuti Zanu-PF ikasamira tsika yekuunganidza vanhu mumaruwa chirwere ichi chinogona kupararira zvakanyanya.

Bazi rezvehutano rakatozivisa kuti kune vanhu vana vari kumaruwa vabatwa nechirwere ichi, vatatu kuMhondoro Ngezi uye mumwe chete kwaMurewa.

Hurumende ichiri mushishi kuita ongororo yekuti coronavirus yakasvika sei munzvimbo mbiri idzi.

VaSaruwaka vari kupomera dzimwe nhengo dzeZanu-PF mudunhu ravo mhosva yekuunganidza vanhu uye kuita zvematongerwo enyika munyaya dzezvekudya mushure memisangan\o yavari kukokera iyi.

VaSaruvaka vanoti izvi zvichadzosera kumashure hurongwa hwehurumende hwekurwisa chirwere checoronavirus sezvo paine kurudziro yekuti vanhu vagare mudzimba vasingaungane.

Hatina kukwanisa kubata gurukota rezvemukati menyika VaKazembe Kazembe kuti tinzwe divi ravo.

Hurukuro naVaTrevor Saruwaka
please wait

No media source currently available

0:00 0:01:46 0:00
Pekupinda Napo Kuti Muone Zvamuri Kuda

Sezvo tichitema tisina divi ratinorerekera, tabata gurukota rinoona nezvevashandi nemagariro evanhu, Muzvinafundo Paul Mavima, avo vanoti handi chokwadi kuti pane zvematongerwo enyika zviri kuitwa munyaya dzekupa vanhu zvekudya vachiti igudziramukanwa revanhu veMDC.

Hurukuro naMuzvinafundo Paul Mavima
please wait

No media source currently available

0:00 0:02:27 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG