Accessibility links

Breaking News

Mapurisa, Vasori neVeChidiki veZanu-PF Vobatana Kumisa VaNgarivhume Kubvisa Marara kuMbare


Mutungamiri weTransform Zimbabwe VaJacob Ngarivhume

Mutungamiri webato rinopikisa reTransform Zimbabwe VaJacob Ngarivhume vanoti nemusi weChina vakarambidzwa zvekare nevasori, mapurisa nevechidiki vebato reZanu-PF kubvisa marara kuMatapi, Mbare.

VaNgarivhume vakambochengetedzwa zvekare nemapurisa ekuMbare . Vaudzawo Studio 7 kuti mapurisa akati vanofanira kutanga vavakumbira mvumo.

Nzvimbo yeMbare sedzimwe nzvimbo dzakawanda mumaguta amazhinji haisi kutakurwa marara sezvo makanzuru ari kuchema chema kuti haana mari achitiwo vanhu havasi kubhadhara mari dzemitero pamwedzi.

Studio 7 haina kukwanisa kubata gurukota rezvemukati menyika VaKazembe Kazembe kana revasori VaOwen Ncube vanzi vange vari mudare reparamende nemimwe misangano.

Tatumirawo mubvunzo kumukuru anoona nezvekuburitswa kwemashoko muZanu- PF VaTafadzwa Mugwadi asi vange vasati vapindura pataenda pamhepo.

Hurukuro naVajacob Ngarivhume
please wait

No media source currently available

0:00 0:02:02 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG