Accessibility links

Breaking News

Mapurisa Orambidza MDC Alliance Kubvisa Marara


VaNelson Chamisa
VaNelson Chamisa

Mumwe kanzura weMDC Alliance kuHatcliff muHarare akambochengetedzwa nemapurisa apo aibvisa marara mumusha wevazhinji uyu sezviri kukurudzirwa nemutungamiri webato guru rinopikisa reMDC Alliance naVaNelson Chamisa.

VaChamisa vakaendawo kunochenesa nzvimbo yeMabvuku nemusi weChishanu asi vakabva vakombwa nemapurisa ayo anonzi nevanopikisa nevanorwira kodzero dzevanhu ave kushandisa nyaya yekurwisa chirwere cheCovid-19 senzira yekudzivisa vanopikisa kusangana nevanhu asi bato reZanu-PF richibvumidzwa kusangana pamadiro.

Bato reZanu-PF riri kuita sarudzo dzaro dzemaprimary asi veMDC Alliance vri kuti vakangoungana vari kukandwa mujeri.

Hatina kukwanisa kubata gurukota rezvemukati menyika VaKazembe Kazembe kuti tinzwe divi ravo sezvo nharembozha yavo yange isiri kudairwa.

Asi tabata kanzura weMDC Alliance VaElvis Ruzani vanoti vakatombochengetedzwa nemapurisa vachibva varambidzwa kutakura marara sezvo vainzi vaifanira kutakura marara vapihwa mvumo nemapurisa chete.

Hurukuro naVaElvis Ruzani
please wait

No media source currently available

0:00 0:03:38 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG