Accessibility links

Breaking News

Kubuda KweCanada Mugungano Re United Nations World Tourism Organisation Kotsvorwa NeZimbabwe


Gurokota rezvekushanyirwa kwenyika, va Walter Mzembi, vanoti kubuda kweCanada musangano re United Nations World Tourism Association hakukanganise basa ravachange vachiita musangano iri.

Canada inoti haisi kusafara nekudomwa kwakaitwa mutungamiri wenyika, va Robert Mugabe, mu Golden Book On Tourism izvo zvinovapa chiremerera chekuva mumiriri wesangano iri mukushamba nyaya dzekushanyirwa kwenyika.

Canada inoti haisi kuda kuramba ichishanda nava Mugabe sezvo vari kuramba vachityora kodzero dzevanhu uye havafanirwe kunge vachimirira nyika munyaya dzekushanya nekushanyirwa.

VaMugabe vakapihwa ruremeredzo iri kutanga kwevhiki rino kuVictoria Falls uko kwakaitwa mabiko ekunyorerana chibvumirano chemusangano mukuru we UNWTO General Assembly ichaitirwa muZimbabwe ne Zambia muna Nyamavhuvhu gore rinouya.

Nyika zhinji dzinoti hadzisikufara nechiitiko ichi asi Canada ndiyo yega yabva yaratidza kusafara kwayo nekubuda mugungano iri.

XS
SM
MD
LG