Kambani ye Zimbabwe Electricity Supply Authority (ZESA) yawirirana nekambani yemagetsi yekuSouth Africa, ye Eskom, kuti dzitengeserane magetsi achashandiswa panguva yemitambo yenhabvu ye 2010 World Cup ku South Africa.
Makambani aya anonzi achanyorerana chibvumirano ichi munguva pfupi iri kutevera.
Zvinonzi ZESA ichatengesera Eskom 300 megawatts dzemagetsi pazuva rega rega apo mitambo iyi ichange ichiitwa.
ZESA iri kunetseka kuwanira vanhu magetsi akakwana munyika. Studio7 haina kukwanisa kunzwa kuZESA kuti seyi yatora danho rakadai.
VaMoses Mare inhengo yekomiti yeparamende inoona nezvemhando dzemoto. VaMare vaudza Gibbs Dube weStudio7 kuti chibvumirano ichi chikabudirira, vanhu vemuZimbabwe vachange vasina magetsi anovakwanira, izvo zvichapa kuti vatadze kuona mitambo ye World Cup.
Zvinonzi ZESA ichatengesera Eskom 300 megawatts dzemagetsi pazuva rega rega apo mitambo iyi ichange ichiitwa.
