India Yorambidza Murairidzi weZimbabwe Cricket Anova Chizvarwa cheNyika Iyi Kuenda neChikwata Chake kuPakistan

Chikwata cheZimbabwe chemaChevrons chakasvika neChipiri muIslamabad, muPakistan neChipiri chisina muraridzi wacho Lalchardt Rajput.

Rajput arambidzwa kuenda kuPakistan nenyika yake India zvichitevera mitemo yekufamba kune dzimwe nyika yakadzikwa nehurumende yeIndia.

Gwaro rabva kumutauriri weZimbabwe Cricket VaDarlington Majonga rinoti maChevrons asvika muIslamad vasina Rajput uyo asina kusimuka pamwe chete nechikwata chake.

Izvi zvinotevera chikumbiro chakabva kumuzinda weIndia muHarare chichienda kuZimbabwe Cricket kuti Rajput asafambe kuenda kuPakistan zvichitevera mitemo yenyika yavo.

VeZimbabwe Cricket vazivisa kuti panguva ino, maChevrons achange achirairidzwa naDouglas Hondo, uyo anove mutevedzeri waRajput.

Zimbabwe irikutamba mitambo mitatu yezuva rimwe nemimwe mitatu yema T20.

Munyori wezvemutambo wekiriketi VaEnock Muchinjo vanoti havasi kutarisira mashiripiti kubva kumaChevrons asi chakakosha ndechekunotamba mitambo iyi.

MaChevrons akapedzisira kupinda munhandare munaKukadzi apo vakasangana neSri Lanka.

Hurumende yeZimbabwe yakatendera chikwata ichi kushanya kuPakistan mushure mekunge vamborambidza Afghanistan kushanya muno nemhaka yeCovid 19.

Embed share

Nyaya Ina Michael Kariati

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:55 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player