Accessibility links

Breaking News

Maonero eHurumende yeAmerica

Mashoko Anoziviswa Pasi Rose neHurumende yeAmerica

Homwe yemubayiro unopihwa nebazi reAmerica rinodyidzana nedzimwe nyika, yeRewards for Justice program, iri kupa mari inosvika mamiriyoni mashanu emadhora ekuAmerica kumunhu ane mashoko anoita kuti Mir nevamwe vose vakaita kuti Mumbai ibhomnbwe, asungwe nekuendeswa kujeri.

Musi waMbudzi 26, 2008, varume gumi vaive nepfuti, uye vachidyidzana nechikwata chemagandanga anopfurikidza mwero, icho chiri muPakistan, cheLashkar-e-Tayyiba, chakarwisa nzvimbo dzakawanda muMumbai kuIndia.

Chikwata ichi chakarwisa nzvimbo dzaishanyirwa zvakanyanya nevashanyi, chiteshi chezvitima, pamwe nemuzinda unoshandiswa nevanhu vechitendero chechi Jewish.

Kurwisa uku kwakaitika kwemazuva akawanda, uye vanhu zana nemakumi matanhatu nevatanhatu, vaibva munyika dzakasiyana siyana gumi nenomwe, vakafa, kusanganisira varwisi vacho vapfumbamwe, uye vanhu vanodarika mazana matatu vakakuvara muchiitiko ichi.

Murwisi akapona muchiitiko ichi, akaurayiwa zviri pamutemo muna Mbudzi 2012, asi Sajid Mir, murume akaronga zvose kuitira kuti kurwisa uku kubudirire, haasati asungwa kusvika pari zvino.

Mir akapomerwa mhosva nedare repamusoro remuIllinois muAmerica musi was Kubvumbi 21, 2011. Dare iri rakaburitsa magwaro ekuti Mir asungwe zuva rakatevera.

Mir akapomerwa mhosva yekuronga kuparadza zvinhu munyika isiri yake; kubatsira nezvikwanisiro vanoita zvakapfurikidza mwero, kubatsira mukuurayiwa kwechizvarwa cheAmerica chaive kunze kweAmerica; kubhomba nzvimbo dzinoshandiswa neveruzhinji.

Muna 2019, Mir akaiswa pamazita emagandanga ari kutsvagwa zvakanyanya nebazi rematikitivha muAmerica.

Homwe yemubayiro unopihwa nebazi reAmerica rinodyidzana nedzimwe nyika, yeRewards for Justice program, iri kupa mari inosvika mamiriyoni mashanu emadhora ekuAmerica kumunhu ane mashoko anoita kuti Mir nevamwe vose vakaita kuti Mumbai ibhomnbwe, asungwe nekuendeswa kujeri.

Sajid Mir akaberekwa muna 1976 kana 1978 mu Lahore, Pakistan. Akareba zviri pakati pemasendimita zana nemakumi matanhatu nemashanu kusvika pazana nemakumi matanhatu nemanomwe, uye anorema makirogiramu makumi matanhatu.

Semaziviro eFBI, Mir ane chiso chine vanga pashaya yekuruboshwe, uye vanga pamusoro peziso rake rekurudyi.

Ani nani zvake ane ruzivo rwekuna Sajid Mir anofanirwa kutumira mashoko kuRewards for Justice achishandisa Whatsapp, Telegram, kana Signal panhamba dzinoti + 1 202 702 7843.

Zvose zvinotambirwa neRewards for Justice hazviburitswe pachena.

Ichi chiziviso chiri kutumirwa pasi rose nehurumende yeAmerica.

please wait

No media source currently available

0:00 0:03:01 0:00
Pekupinda Napo Kuti Muone Zvamuri Kuda


See all News Updates of the Day

America Inoti Inokoshesa Chibvumirano cheParis Agreement

VaJoe Biden nemudzimai wavo Amai Jill Biden

Mune chimwe chiitiko chavo chekutanga mushure mekutora mhiko yekutungamira nyika yeAmerica VaJoe Biden vakazivisa kuti America yainge yodzokera muchibvumirano chekukurudzira nyika dzepasi rino kuti dzichengetedze mweya wekufema nemamiriro ekunze chePARIS Agreement.

Chibvumirano ichi chakanyoreranwa muna Zvita 2015 asi chakatanga kushanda muna 2016. Sangano reUnited Nations richinyoresa nyika zana nemakumi mapfumbamwe dzichipinda muchibvumirano ichi muna 2021.

Chinangwe chechibvumirano ichi chakanangana nekuona kuti nyika dzose dzatevedzera zvakatenderana mukuchengetedza zviwanikwa uye kuona kuti mumaindastiri hamusi kushandiswa zvakawanda zvinosvibisa mweya wekufema.

Izvi zvikasaitwa zvinogona kukonzera mafashamu emvura, kusanaya kwemvura uye madutumupengo emhepo uye kudzikisawo kupisisa kwepasi rino pamwe nemoto inongotanga mumasango ichinetsa kumisa.

Kusagadzirawo nyaya iyi kunoreva kuti magungwa anotanga kuzarisa mvura rinogona zvekare kuva dambudziko kuvanhu.

VaBiden vakabuda pachena kuti kuchengetedza mamiriro ekunze chimwe chinhu chikuru chinokosheswa nehurumende yavo.

Pavaitsvaga rutsigiro rwekutungamira nyika yeAmerica gore rapera, VaBiden vakavimbisa kuti vakasarudzwa vanozodzosera America muchibvumirano cheParis Agreement ichi.

Pavaitora mhiko yekutungamira nyika musi wa 20 Ndira VaBiden vakatiwo pasi riri kuchema nekuda kwekubatwa kuri kuitwa zviwanikwa nemweya unofemwa nevanhu.

Mutauriri wemuzinda wemutungamiri wenyika yeAmerica weWhite House Amai Jen Psaki vanoti mukudzokera muchibvumirano ichi, VaBiden vari kuratidza kukoshesawo kwavanoita kudyidzana nedzimwe nyika dzepasi rino uye kuda kudzosera America mumatare anozeya nyaya dzakakosha pasi rose.

Izvi vanoti zvakaratidzwawo nekudzokera kweAmerica musangano rinoona nezvehutano pasi rose reWorld Health Organization, mumwe munongedzo wekuti VaBiden vanokoshesa kudyidzana nedzimwe nyika mukugadzirisa matambudziko akatarisana nevanhu vepasi rose.

VaBiden vakadomawo vaimbova gurukota rezvekudyidzana nedzimwe nyika VaJohn Kerry kuti vave chipangamazano chavo munyaya dzezvekuchengetedzwa kwezviwanikwa nemamiriro ekunze. Aka ndekekutanga munhoroondo yeAmerica pachidomwa munhu pachigaro ichi.

Nyika dzakawanda dziri kutambira America nekudzoka kwayaita muchibvumirano cheParis Agreement ichi kusanganisirawo mutungamiri wenyika yeFrance VaEmmanuel Macron vakati zvakakosha kuti nyika dzepasi rose dziite mushandirapamwe mukuchengetedza mamiriro ekunze nezviwanikwa.

Aya mashoko anotaura pamire hurumende yeAmerica.

Mashoko Anotaura Pamire Hurumende yeAmerica
please wait

No media source currently available

0:00 0:02:57 0:00
Pekupinda Napo Kuti Muone Zvamuri Kuda


Maonero eHurumende yeAmerica

please wait

No media source currently available

0:00 0:03:01 0:00
Pekupinda Napo Kuti Muone Zvamuri Kuda

Mashoko Anotaura Pamire Hurumende yeAmerica Pakudyidzana neSudan

Gurukota rezvekudyidzana nedzimwe nyika muAmerica VaMike Pompeo

Mashoko anotevera anotaura pamire hurumende yeAmerica pakudyidzana kwayo neSudan.

Muna 1993, mushure mekunge zvaonekwa kuti hurumende yeSudan yaicdyidzana nevanopfurikidza mwero kusanganisira aive mukuru wechikwata cheAl Qaida Osama Bin Laden yakaiswa panyika dzakatemera zvirango neAmerica zvinopa kuti iite seyakageza munyama pasi rose sezvo pasina kana nyika nevanhu vanenge vouya kuzotanga mabhizimisi.

America inenge isingapewo nyika dzatemerwa zvirango rubatsiro uye inokurudzirawo kuti mabhanga anokweretesa mari akaita seInternational Monetary Fund neWorld Bank asadzipe zvikwereti.

Nyaya yekutemerwa zvirango iyi yakapa kuti Sudan ikwanise kuendeswa kumatare nevanhu vanenge vaine hama dzainge dzaurayiwa nevanopfurikidza mwero vaendese hurumende iyi kumatare.

Nekuda kwenyaya iyi, matare emuAmerica akatura mutongo wekuti Sudan iripe mhuri gumi nenomwe dzakaurayirwa hama pamizinda yeAmerica kuTanzania neKenya muna 1988 uye pakambombwa imwe ngarava yehondo kuYemen.

Muna 2019, vanhu vemuSudan vakapidigura hurumende yavo zvakapa kuti vatungamiri vatsva vabvume kuripa mari inosvika mamiriyoni mazana matatu nemakumi matatu nemashanu kana kuti 335 million yekuripa mhuri idzi.

Muna Zvita gore rapera, America yakatenda kubvisa Sudan panyika dzinodyidzana nevanopfurikidza mwero. Musi wa 28 Zvita gore rapera, America yakabva yatanga kugadzira hwaro hwekudyidzana zvekare neSudan.

Gurukota rinoona nezvekudyidzana nedzimwe nyika muAmerica VaMike Pompeo vakatenda hurumende itsva yeSudan nekusarudza nzira yerunyararo uye kubatana nedzimwe nyika.

Mashoko aya anotaura pamire hurumende yeAmerica pakudyidzana neSudan.

Mashoko anotaura pamire hurumende yeAmerica pakudyidzana neSudan
please wait

No media source currently available

0:00 0:02:09 0:00
Pekupinda Napo Kuti Muone Zvamuri Kuda


Kubviswa kwaVaDonald Trump paChigaro Kwotsviriridza muAmerica

U.S. House: Debate on Impeachment Resolution

Dare re House of Representatives riri pakati pehurongwa hwekumisa basa nekusungisa mutungamiri weAmetica, VaDonald Trump, nemhosva yekukonzeresa mhirizhonga yakaitika paCapitol Hill svondo rapera.

Nhengo dze Democratic Party dziri kumira nerekuti dare iri riwane VaTrump vaine mhosva, uye dziri kutsigirwa nedzimwe nhengo dzebato re Republican Party.

Mutungamiri mutsva weAmerica, Va Joe Biden, vari kutarisirwa kutora mhiko svondo rinouya nemusi weChitatu.

Nyanzvi munyaya dzezvematongerwo enyika uye vari muzvinafundo muAmerica, Doctor Moses Rumano, vanoti vanoona izvi zvichibudirira sezvo mhirizhonga yakaitika isati yamboonekwa ichikurudzirwa nemutungamiri wenyika muAmerica.

"Vanhu vazhinji vakatarisira zvichabuda pamusango wanhasi mudare. Nyika dzese pasi rose dziri kutarisa zvichabuda sezvo nyika yeAmerica ichizivikanwa nehutongi hwejechetere hwusingakurudzire mhirizhonga," Doctor Rumano vaudza Marvellous Mhlanga-Nyahuye weVoice of America Studio7.

please wait

No media source currently available

0:00 0:02:54 0:00
Pekupinda Napo Kuti Muone Zvamuri Kuda


Rodhai zvimwe

XS
SM
MD
LG